4000 жители од урбаната заедница 15 од 15-ти Корпус во секојдневното живеење се соочуваат со наталожени комунални проблеми. Урбанат заедница се протега на делот од Велгошти кон Лескоец, до стара бензиска и касарната. Во лето прашливи, а во зиам каливи улички без асфалт, асфалатираните пак со несанирани прекопи, неприклучени канализации, ги набројуваат жителите дел од наталожените проблеми во населбата. Раскажуваат дека нема детски и спортски игралишта, па децата од 15-ти Корпус нема каде да играат.
Секретарот на УЗ 15, Гоце Георгиески вели, жителите од овој дел на Охрид сакаат место за живеење кое ќе ги задоволува основните потреби на граѓаните.
„ Во денешно време имаме урбана заедница без основно училиште, амбуланта , спортско игралиште, црква, немаме ништо. Би сакале изградба на училиште и спортски игралишта“, посочува Георгиески.
Покрај решавање на комуналните проблеми, жителите посакуваат и уредување на речното корито на Сушица. Но, од бројните проблеми ја издвојуваат и главоболката која им ја задаваат и фирмите загадувачи, напоменува и претседателот на УЗ 15 , Дејан Анѓелески.
„ Проблем од фирмите кои ја загадуваат урбаната заедница, базата кај касарната и една фирма за пластика кај поранешен Нов живот, кој треба да се решат. Запозанета е ЛС со тие проблеми. Имаме дадено барање за асфалтирање на улици. Поставување и на соодветни сообраќајни знаци за премин на децата во основните училиште кај црногорците“, додова и Анѓелески.
Членовите на урбаната заедница додаваат дека во моментот немаат ни канцеларија каде што може да функционираат. Така жителите од населбата се ограничени во комуникацијата со своите претставници во заедницата и Локалната самоуправа. Се надеваат дека наскоро ќе се донесе и детален урбанистички план за урбаната заедница, а со тоа и за касарната. Нивните очи се вперени кон касарната каде што гледаат можност за изградба на објекти кои се потребни во секојдневното живеење.
