Специјализираната болница за ортопедија и трауматологија „Свети Еразмо“ доби вредна донација во медицинска опрема и апарати која е обезбедена од Швајцарија, со посредство на градоначалникот на Општина Охрид, Кирил Пецаков и неговите лични контакти со македонски иселеници. Менаџерскиот тим на болницата изрази голема благодарност до градоначалникот Пецаков за неговиот ангажман и иницијативата за реализација на оваа донација. Оттаму истакнаа дека опремата е од исклучително значење за оваа здравствена установа и истата значително ќе ги подобри условите и за пациентите и за здравствените работници.

Пратениците вчера на продолжението на 59. седница без расправа со 64 гласа „за“ без воздржани и против го донесе Законот за изменување и дополнување на Законот за возила, по скратена постапка.

Во насока на подобрување на јавната безбедност и подигнување на свеста и совеста кај возачите за користење на обележани паркинг простори како и во насока на намалување на кражби на плажи, отсекот за превенција при СВР Охрид, ги спроведува превентивно-едукативните кампањи „Паркирај совесно“ и „Заштити се од кражби на плажа“.

Од најновиот билтен на СВР Охрид.

Православен календар: Спомен на Преподобен Атанасиј Атонски.

Во Охрид денес температурите од 14 до 29 степени Целзиусови.

Општина Охрид го продолжи Јавниот повик за работно ангажирање на невработени лица за заштита и превенција од пожари и оплеменување на животната средина

Општина Охрид доби финансиска поддршка за реализација на 13 инфраструктурни проекти преку Вториот јавен повик на Владата. На денешната свеченост во Владата, градоначалникот Кирил Пецаков ги потпиша договорите за проектите меѓу кои најголемиот капитален проект на чија реализација долго чекаат охриѓани, а тоа е катната гаржа.