Десет години се најавува изградба на ски центар на Јабланица, но денес оваа идеја е само на проект. Од хотелската асоцијација велат потребна е изградба на ски центар за збогатување на понудата и развој на туризмот преку целата година.

Во Охрид ќе се отвора канцеларија на УНЕСКО. Отворањето на канцеларија е потврда на нашата политика за зачувување на статусот на Охридскиот Регион, порача министерката за култура Бисера Костадиновска Стојчевска од Париз каде е на состанок со првите луѓе на телата на УНЕСКО. Министерката информира дека доставени се ажурираниот извештај за состојбата со заштитата на природното и културното наследство на Охридскиот Регион како заеднички документ со Албанија и извештајот за напредокот во спроведувањето на препораките.

Охриѓани сочувствуваат со несреќата на народите од Турција и Сирија во погодените подрачја од земјотресот. Градското собрание изгласа одлука да се додели парична помош за настраданите делови од разорниот земјотрес.

Идниот месец најверојатно минималната плата ќе биде околу 20 500 денари во приватниот и јавниот сектор и тие средства се предвидени со Буџетот за 2023 година.

Привремено живеалиште во Софија, парични средства и бугарско државјанство ќе добие секретарот на бугарскиот клуб во Охрид, Христијан Пендиков.

Сите несовесни граѓани, кои и покрај се ќе бидат заглавени на овој патен правец, ги молиме за помош да се обратат до ЈП за одржување на патиштата, АМСМ или друга шлеп служба, велат од ПСС.

Одлуката за издвојување средства за помош на настраданите беше донесена едногласно, а советниците изразија жалење за изгубените животи со едноминутно молчење.

Полициските службеници затекнале 18 возачи во Охрид кои управувале моторни возила со брзина поголема од дозволената.