Поради временските неприлики и засилениот јужен ветер, екипите на ЈП „Охридски Комуналец“ во текот на изминатиот викенд беа вонредно ангажирани за расчистување на градскиот кеј, на потегот од пристаништето до Холандскиот Парк.

Делта сојот е потврден кај пациентот кој е хоспитализиран во велешката болница, а тој самиот се пријавил на лекување и таму останува до негативизирање на неговиот тест. Тој  не е здрав и не се држи со сила во болница, како што невистинито се тврди во постот. Напротив, секој пациент повозрасен од 18 години има право да го напушти болничкото лекување, доколку потпише таква изјава на сопствена одговорност. Исто така, не е вистина дека вакцинацијата е измама. Таа, според огромен број  медицински експерти, ќе доведе до колективен имунитет и ќе спречи смрт и тешка форма на ковид дури и доколку вакцинираниот се зарази со вирусот.

Бројот на загинатите во падот на воен авион на југозападот на Филипини се искачи на 31, пренесува информативниот портал Rappler повикувајќи се на филипинските вооружени сили.

Охридските основни училишта се дел од образовната програма „Вело училишта“ преку која се организираат и спроведуваат активности за промовирање на велосипедизмот до и од училиште, а се промовира и безбедноста во сообраќајот. Главната цел на програмата е да го промовира велосипедизмот како безбеден, здрав и алтернативен начин на превоз за учениците во Македонија, преку првата таканаречена „Вело училишна мрежа”.

 Македонската гранична полиција доби 16 нови возила. Станува збор за донација во вредност од над 240 000 евра од сојузното министерство за внатрешни работи на Германија. Донацијата ја прими министерот за внатрешни работи Оливер Спасовски кој се заблогодари за цврстото партнерство кое го има Македонија со Сојузна Република Германија. 

На Јавен оглас за избор на директор на Националната установа Библиотека „Григор Прличев“ – Охрид распишан од страна на Министерството за култура, министерот за култура за директор на Библиотеката со мандат од четири години  го избра кандидатот Милчо Јованоски кој и досега беше вработен во оваа установа.

Здружението „Храбро срце” бара ослободување од партиципација на пациентите со механичка поддршка. Велат тоа е старо ветување од Министерството за здравство, кое треба да се исполни од почетокот на идната година. Успешните пет трансплантации на срце во земјава кои досега се направија, влеваат надеж на 25 пациенти, кои сеуште чекаат шанса за нов живот.

Увидот во болницата во Гевгелија, кој го изврши стручен тим од Детската Клиника, покажа дека причината за респираторните инфекции кај децата – кои не се карактеристични за летниот туку за зимскиот период, воопшто не е загадувањето на воздухот туку „имунитетскиот долг“. Состојба, којашто и домашни и светски експерти ја објаснуваат како нагло изложување на вируси и бактерии после долг временски период на живот за децата во карантини, со ограничени социјални контакти, без да одат во градинка.