Општина Охрид во рамките на одбележувањето на 5-ти Јуни- Светскиот ден на животната средина, првата  недела од месец јуни ја прогласи за „Недела на животната средина“ во која ќе бидат реализирани повеќе активности.

Нов паркинг доби СОУ „Нико Нестор“ Струга. Овој паркинг простор кој се наоѓа позади училишната зграда ќе биде наменет исклучиво за професорите, кои ќе имаат 30 места на располагање за да ги паркираат своите автомобили. Овој зафат струшката гимназија го реализира со средства од нивниот буџет и со голема соработка со учениците и професорите од стручните паралелки.

Општина Охрид во рамките на своите редовни активности, а согласно својата политика за примена на највисоки стандарди за заштита на животната средина, почитувајќи ја Конвенцијата на УНЕСКО за заштита на природното и културното наследство и настојувајќи да ги спроведе сите препораки од Реактивната мониторинг мисија на УНЕСКО (април 2017 г.), на  06.06.2018 година, со почеток во 11 часот, во големата сала на Општина Охрид, организира трибина за Студенчишкото блато и потребата од регулирање на пловниот сообраќај во Охридското Езеро посебно во делот на сместување на пловните објекти во организирана марина.

„Физичкото образование е еден од најбитните сегменти во севкупниот образовен процес, кој има повеќекратни позитивни ефекти врз идниот развој на младите“. – истакна Наум Јамандиев, кандидат за член на Советот на Општина Охрид.

Струшките советници денеска, на 24 тата седница на совет  гласаа против предлог одлуката за забрана за педалинките на струшкиот брег од езерото.

Од опозицијата обвинуваат дека шелтерот за згрижување на кучињата не функционира. Од ЈП Комуналец  информираат дека за темелно решавање на проблемот се чека на измените на Локалната урбанистичка планска документација со која треба  да го добијат на користење  земјиштето за да го регистрираат долгоочекуваното прифатилиште за бездомни кучиња. 

Сергеј Костовски ученик во четврта година во ДСУ Спортска Академија – второ место на 10 Меѓународен фестивал во проза и поезија „Станислав Препрек“ и трето место на 11 Меѓународен фестивал во проза и поезија „Михаил Бабинка“.

Со адаптација на улицата „Македонија“ во пешачка зона, ќе се обезбеди  поинаков спој меѓу езерото, луѓето и урбаниот дел на градот.