На 29.11.2021 година во 14.20 часот, пред продажен објект лоциран на улицата „7-ми ноември” во Охрид, нарушен е јавниот ред и мир со физички напад извршен од А.М.(36) врз А.Б.(22), двајцата од Охрид.

Оваа објава се повикува на антиваксерот Виктор Колман и ја дезинформира јавноста дека вакцинираните ќе почнат да умираат наесен, како и дека се заштитени само од првичната мутација на коронавирусот. Наспроти дезинформациите на Колман, според Центарот за контрола и превенција на болести од САД (ЦДЦ), ковид вакцините се безбедни и ефикасни и може да го спречат ширењето на коронавирусот. Истовремено се наведува дека тие што се вакцинирани, дури и да се заразат со коронавирусот, нема да имаат тешка клиничка слика и нема да бидат хоспитализирани во толку голем обем, споредено со проблемите со кои би се соочиле кога не би биле вакцинирани. Исто така, се посочува дека самите вакцини не можат никого да разболат од ковид-19.

Страшна сообраќајна несреќа рано утринава во српскиот град Смедерево – загинаа три лица. Од засега неутврдени причини, автобус преминал на спротивната лента и се судрил со патнички автомобил во кој се превезувале три лица. Сите тројца патници загинале на самото место на несреќата.

Сања Лукаревска ќе седне на местото на Радмила Шеќеринска како заменик претседател на Заев во владејачката СДСМ. Од вкупно 703 делегати Лукаревска која доажа на оваа позиција по предлог на Заев ја поддржаа 682 делегати, а само двајца гласаа против.

Неисчистените канали во струшко и годинава предизвикаа проблеми, така што дел од градските населби се под вода. Надлежните убедуваат дека ќе преземат мерки за расчистување на каналите за што одвоиле 2 милиони средства од буџетот на општина Охрид.

Еднодневна статистика за 28 починати од кои 17 биле вакцинирани со две дози (не со три), не е релевантна за да се даде генерална оценка дека вакцината не дава заштита од смртност од над 95 проценти. Претседателот на комисијата за заразни болести, Александар Петличковски, изјави дека комисијата ја анализирала смртноста и анализите упатувале на тоа дека најголем дел од починатите се невакцинирани, нецелосно вакцинирани или примиле две дози пред повеќе од шест месеци.

На 29.11.2021 година од 07 до 10 часот, при извршени сообраќајни контроли, полициските службеници санкционирале 15 возачи кои во и надвор од населено место управувале моторни возила со брзина поголема од дозволената (Охрид-09, Струга-03, Дебар-03).

Карантинот на антиваксерите, што се предлага во овој пост на Фејсбук, нема да го реши проблемот, ниту, пак, со применување на ваков тип на мерка целосно ќе се спречи трансмисијата на вирусот. Вирусот ни доаѓа однадвор. Па, дури и да се направи тринеделен карантин за невакцинираните од 1 септември до 21 септември, како што се бара во објавата, на 22 септември може во државата да влезе некој од странство и да зарази невакцинирани лица. Освен невакцнинираните, може да се заразат и оние кои се целосно имунизирани, иако во многу мал процент. Сите вакцини, одобрени од СЗО, штитат од тешки форми на болеста, хоспитализација и смртни последици, но ниту една од вакцините не нуди 100 проценти заштита од разболување.