Во Охрид нема зголемен број на заболени од грип.  Од Центарот за јавно здравје велат дека се преземаат сите мерки за да не дојде до епидемија од ова заболување бидејќи се очекува кон крајот на јануари и почетокот на февруари бројката значително да се зголеми.

ЈП „Охридски комуналец“, предвреме ги собира новогодишните реквизити. Причина, синоќешното уништување и крадење на дел од нив.

Шаховскиот клуб „Ласкер“ Охрид одбележува јубилеј-10 години од своето постоење. Низ шаховската школа на овој клуб поминале над 200 деца кои покрај тоа што со учење на техниките на оваа игра го граделе својот карактер учествувале на бројни турнири на кои редовно се помеѓу најдобрите.

Ефикасни ЛЕД сијалици за заштеда во јавното осветлување. Општина Охрид ќе се приклучи на групата градови кои веќе ги осветлуваат своите улици со оваа технологија. Со јавен повик кој е веќе објавен на општинската веб страна, ќе се бара партнер кој ќе ни ги одржува светилките, но ќе ги осветли и улиците кои досега биле завиени во мрак.

Ретко кој граѓанин пали возило за градежниот отпад да го одложи на депонијата Буково. Продолжуваат старите навики од шутот да се ослободуваат растоварајќи го покрај патиштата. И понатака градежниот отпад се фрла во националниот парк Галичица, покрај патот кој води кон селото Велестово.

Деновиве ова прашање не само што е топ тема во медиумскиот етер, туку е и главна тема во јавноста низ целиот охридско – струшки регион.

Охридските  пожарникари за една недела интервенирале 5 пати. Гаселе запалени оџаци кои поминале без голема материјална штета. Пожарникарите апелираат граѓаните редовно  да ги проверуваат и чистат оџаците, но и да  внимаваат на грејните тела како ги оставаат да работат, посебно кога не се дома. 

Хотелите полни, но добар дел од нив затајуваат туристичка такса. Раководителот на општинскиот инспекторат Танас Танасоски вели, дека државата под итно мора да направи измени во законот.