Жителите на селото Глобочица, сместено  на брегот на Глобочичкото вештачко езеро, поставија темел  на црква посветена на Пророкот Св. Илија. Новата црква ќе биде лоцирана веднаш на самиот брег во близина на некогашната. 

Во мартовското издание во специјална едиција посветена на нашата земја американскиот магазин „Форбс“ пишува за македонската традиција, култура и историски вредности, а земјата ја споредува со познатиот бисер од Охрид, објавува порталот „Економски Лидер“.

Жестока реакција на локалната и јавното претпријатие „Билјанини извори“ за обвинувањата од раководството на ФК Охрид 2004. Овој пат на прес конференција ги демантираа тврдењата дека условите за тренирање на стадионот „Билјанини извори“ се лоши. Градоначалникот Петрески со ултиматум до раководството, ако не се извинат-отидоа бесплатните тренинзи.

Се повеќе охридски ресторани ги следат трендовите во светската угоститeлска понуда. Има успешни приказни и поместувања во креирање на мениата. Мора постојано да се работи на подигнување на квалитетот на услугите во угостителскиот сектор порачуваат од Факултетот за туризам и угостителство.

Претставници од германската КФВ банка во посета на локалната. Гостите од Германија остварија средба со  со градоначалникот на општина Охрид, Александар Петрески, претставниците на јавните претпријатија, МЈП Проаква, Хидробиолошкиот завод, Заводот за јавно здравје, и Одделението за заштита на животната средина при Локалната самоуправа.

Дел од бранителите и обвинетите беа инфомирани за одложувањето, но дел од нив не. Причина, најверојатно поклопувањето на датумот од несреќата 11 ти септември, која се случи пред две години на шанкот на Пливалиште каде од струен удар загинаа тројца стружани.

Конзервацијата на историските европски градови, во кои спаѓа и Охрид-еден од приоритетите на Европската унија. „Вашиот град како дел од светското историско наследство е типичен пример за европски историски град“.-вели Штефан Демпке-координатор за туризам и наследство при организацијата Џирокастро за развој и конзервација.

Сообраќајната раскрсница на улиците „Питу Гули“ и „Марко Нестороски“, во близина на основното училиште „Христо Узунов“, опасност за учениците. Директорот на училиштето, Тони Симоноски инсистира што поскоро да се стават во функција семафорите и тоа оние класичните со црвено, жолто, зелено светло бидејќи нив учениците најдобро ги распознаваат. Од Локалната ветиле скоро решение и повторно активирање на вертикалната сигнализација.