Топлотниот бран во Охрид го зголеми бројот на интервенции. Докторите советуваат да се почитуваат нивните препораки, без потреба да не се излегува во пладневните часови, да се пие доволно вода, како и да се носи лесна и бела облека.

Одложен судскиот претрес за глисерската несреќа која се случи 22.08.2009 год, во Охридското езеро. Отсуство на Емил Балабан, бранителот на обвинетиот Христијан Шапкар, беше причина поради која и денес судијата Милчо Клишески го одложи главниот претрес.

По завршувањето на годишната обнова на документацијата за добивање на социјална помош, во Охрид, 84 домакинства го изгубиле правото на ваква помош. Причината е  поради неподнесување на документи за обнова на истата документација, велат од центарот.

Екипите на Црвениот Крст од Охрид до сега одговориле на 370 интервенции на укажување на прва помош на охридските плажи. Исто така учествувале во извлекување на 7 давеници. Претседателот на Црвениот крст Сашо Точков, со апел, да се користат само безбедните капалишта каде што се присутни спасителите на Црвениот крст и онаму каде што концесионерите обезбедиле услови за капење, спорт и рекреација.

Иако желба на Одборот за поставување на споменици од Општина Охрид, беше истиот да биде поставен на градскиот плоштад на 5-ти јануари, денот на упокојување на Свети Наум Охридски – Чудотворец, сепак ќе треба да почекаме.

Останатите точки на дневниот ред на советот на општина Струга, паднаа во сенка.

Нови пукнатини и вдлабнатини на тротоарот и коловозот на улицата Јане Сандански. Дел од овој коловоз пред извесно време беше затворен заради безбедноста на учесниците во сообраќајот.

 „Пејзажи на душата“  од  сликaрот Стефан Хаџи Николов. Љубителите на ликовната уметност ќе имаат можност во ликовната галерија Куќата на Робевци да ги видат најновите дела од неговото творештво.  Хаџи Николов вели, кризата во општеството се рефлектира и во сликарството, но не само кај нас, туку и во околните земји.