На порибувањето, покрај македонскиот министер за земјоделство Љупчо Димовски, присуствуваше и неговиот српски колега Саша Драгин. Македонскиот министер потенцира дека Охридската пастрмка мора да се заштити пос екоја цена.

Конечно се реши 20 годишниот проблем на Пештанци. Пробно пуштена во употреба една од двете пумпни станици од колекторкиот систем. Официјално колекторот ќе преработи на 4 јули.

На Охрид му се случи урбан масакр. Вака денес обвини првиот човек на ВМРО – ДПМНЕ Атанаско Михаилов.

Во рамки на одбележување на Неделата на Црвениот крст под мотото „НАСЕКАДЕ ЗА СЕКОГО“, Црвен крст Охрид на Факултетот за туризам и угостителство организираше студентска крводарителска акција.

ТВМ во посета на аеродромот Св. Апостол Павле. Моментално работиме на чартер летови, вели менаџерот на аеродромот, Нежат Курт. Тој додава дека се прават напори Охридскиот аеродром да стане што е можно поатрактивен за било кој авио-превозник од регионов.

Станари на станбена зграда и хотел одлагаат одпад на иста локација и се обвинуваат меѓусебно за создавање депонија и расфрлање на отпадоци низ околното зеленило. Од ЈП Охридски комуналец велат дека подигнуваат огромни количини отпад вдолж источното крајбрежје во делот на хотелите, вилите и апартманите. Екипите кои работат во три смени и подигнуваат отпад почесто од законската обврска наидуваат и на проблеми, велат од претпријатието.

Риболовците бараат чамците, глисерите, скутерите и јахтите на моторен погон  во каналот од 1- ви јуни до 15- ти септември да влегуваат само со весла. Тие уште бараат Каналот Студенчишта да добие третман ист како изворите во Свети Наум, истиот да се исчисти но и да се направи проект за реанимирање на флората и фауната. Од СРК Св. Апостол Павле сметаат дека се направени катастрофални грешки при носењето на  измените во Законот за рибарство и аквакултура.

30 автентични фотографии од победата над фашизмот. Во Центарот за култура „Григор Прличев“ во Охрид беше отворена изложбата по повод 9 мај, Денот на победата над фашизмот. Пораката која што ја праќа оваа изложба е дека не треба да го заборавиме 9ти мај и тоа што нашите минати генерации и претходници го вградиле за тоа што денес го имаме и треба да го чуваме и негуваме.