Програмата за ова јубилејно издание покрај шпанскиот спектакл на самото отворање ќе понуди интересни и возбудливи концерти, претстави и изложби.

Пописот е стопиран. Државната пописна комисија донела ваква одлука доцна синоќа поради немање основни услови за натамошна реализација на пописот, а сите членови на комисијата поднеле неотповикливи оставки.

Внимавајте на индексот на УВ зрачењето-предупредуваат докторите. Високите температури се причина за загриженост, но ултравиолетовото зрачење според нив е опасност сама за себе.

Наместо нова училишна зграда, во постоечките објекти на средните училишта Нико Нестор и Ибраим Темо се градат нови училници. Вака се решава  просторниот проблем во Струга.

Велосипедска патека на секоја улица за развој на урбаниот велосипедизам. Ова е замисла на општинскиот совет за безбедност во сообраќајот.

Жителите на охридско Лакочереј најавуваат протести, откако од вчера еврејската група Лев Тахор се сместила во нивното село. Велат вознемирени се и уплашени, бараат членовите на религиозната група веднаш да заминат.

Како да се заштити уметничкиот производ, до кој степен треба да го вреднуваме истиот, слободата во изразувањето, како и тоа дали има добри менаџери, се само дел од правата кои ги бараат културните работници во нашата земја. Тие апелираат менаџерите и луѓето кои се на чело на синдикатите да седнат на округла маса и отворено да продискутираат за проблемите во креирањето на културната политика.

Годинава по петнаесетти пат истражувачите од Македонија, Србија и Франција се сретнаа на преспанскиот остров Голем Град за да продолжат со следење на популацијата на шумски желки, рибарки и поскоци.