Од Авто- мото сојузот на Македонија информираат дека поради изведување работи на пат, минирање, денес, ќе има прекин во сообраќајот на патот А2 Кичево – Охрид кај месноста викана Лавчански корита.

По повод четири години од последниот, хуманитарен концерт на Тоше Проески, вечер од 19 часот на плоштадот „Македонија“ ќе биде одржана третата манифестација „Биди и ти дел од ѕвезденото небо на Тоше“, организирана од членовите на Фан клуб форумот на Тоше.

Од Ј.П. „ Охридски Комуналец” ги информираат жителите чии индивидуално-станбени објекти се наоѓаат во туристичката населба Лагадин дека во летната сезона комуналниот отпад од овој дел на градот ќе се подигнува два пати неделно и тоа во вторник и петок.

Охридското езеро порибено со 360 000 единки подмладок на пастрмка. Ова е последната фаза од вештачкото порибување за годинава.

Само половина од охридските плажи покриени со спасители на вода.

Руски дипломат, осомничен дека е таен агент на руската разузнавачката служба ФСБ, минатиот месец бил пронајден мртов пред руската амбасада во Берлин, објавија германски медиуми. Портпаролот на германското Министерство за надворешни работи рече дека се свесни за смртта на дипломатот, но, не може да даде повеќе детали.

Охридските кajaкари од клубот Стрмец чекаат на ред за кајак и весло.

Во врска со претстојната меѓународна конференција „Западен Балкан: Делот што недостасува за Европа да биде целосна“, во рамките на „Преспа Форумот за дијалог“, што на 01 и 02 јули ќе се одржи во Охрид, Секторот за внатрешни работи Охрид, презема соодветни безбедносни мерки.