Охрид ќе добие современо и модерно улично осветлување со лед светилки. Мнозинството во градскиот совет даде зелено светло чешка компанија да го модернизира системот на јавно осветлување преку Јавно приватно партнерство. Општината од партнерот ќе добива по 222 200 евра годишно кои ќе можат да се користат за други проекти, велат од локалната. Опозицијата не го поддржа ова јавно приватно партнерство со став дека проектот можел да се реализира и преку други извори на финансирање.

Др. Вера Новевска, научен советник, во пензија, со 35 годишен стаж во Хидробиолошки Завод Охрид, реагира на ставот од оваа институција во однос на Студенчишкото блато, изнесен на вчерашната седница на градскиот совет.

Околу 240.000 невработени лица од денеска ќе мора да извршат пререгистрација за да добиваат бесплатни сини картони. Сите невработени ќе треба да пополнат Изјава за приходите кои ги оствариле минатата година, врз основа на што ќе се утврди дали ќе имаат право од 1 септември да добиваат сини картони на товар на државата или сами ќе плаќаат за нив.

Има или нема Студенчишко блато. Денес тоа беше главното прашање на седницата на која како точка на дневен ред се најде и урбанизацијата на локалитетот Студенчишко блато. Во општинската сала со часови се водеше жестока дискусија на моменти дури и со емотивни  излагања набиени со видлива нервоза кава што одамна немавме видено во Градскиот совет.

Наместо да ги добијам ветените сретства за патни трошоци се соочувам со нов шок. Моите фискални сметки, Фондот за здравство ги крие, изјави Даниела Будиноска, нашата соговорничка. Фондот и должи пари за неисплатени патни трошоци за 9 месеци.

Опозиционите советници останале без информација за реализација на урбанистичкиот план кај локалитетот Плаошник, како што обвини Дејан Блажески советникот на ЛДП на денешната седница. А директорката на Завод и Музеј, Тања Паскали Бунташеска убедува дека она што се гради на Плаошник нема да ја наруши автентичноста на локалитетот.

Жителите покажуваат интерес за проширување на сместувачаките капацитети. Локалната самоуправа покрај проектите за да стане „Зелена општина“ работи и на изградба на спортски содржини.

Старите дупки повторно отворени, а се појавија и нови во нивна непосредна близина. Од Секторот за комунален развој, сообраќај и улици велат дека се свесни за овој проблем и дека за скоро време ќе ги санираат дупките, но овој пат со асфалт.