Хотелиерите се задоволни од бројот на гости на стартот на сезоната. Хигиената, недостигот на  јавни ценовници кај  такси превозниците и  кајчарите ,  се главните поплаки на странските туристи.

Преку квалитетно стручно образование, дополнителни обуки и курсеви и подобрување на стручни вештини до намалување на јазот помеѓу понудата на човечки капитал на пазарот на трудот и реалните потреби на бизнис секторот.  Ова е целта на проектот „Образование за вработување во Македонија“ поддржан Швајцарија

Во Велгошка река е забележана појава на пена од непознато потекло. Жителите од околните куќи се загрижени. Бараат надлежните да утврдат за што станува збор и дали таа појава е опасна за луѓето и природата, затоа што според велгоштани, дел од месното население водата ја користи за наводнување.

Погрешен статус на Facebook е една од чудните причини за разделба на брачните сопатници

Преку музика и изучување на германскиот јазик до зближување на децата од Македонија, Албанија и Косово. Ученици од три партнерски училишта на Гете Институтот одржаа летен камп во Охрид. Од нашиот град партнер училиште е Григор Прличев каде што се одржуваа работилниците.

Министерството за здравство ги информира родителите дека потврдите за упис на децата во предучилишни и училишни установи може да ги обезбедат бесплатно во здравствениот дом на место на живеење.

На градскиот плоштад „Чинар“, вечерва, градоначалникот Јован Стојаноски, по повод празникот Рамазан Бајрам, за граѓаните од  муслиманска вероисповед, приреди ифтарска вечера.

Промоција на спомен собата на Др Незлобински во Струга, по повод одбележувањето на 85 години од основањето на музејот. На отварањето беше присутна и Министерката за култура Елизбета Канческа Милеска, која заедно со директорот на Музејот Др Сашо Цветкоски зборуваа за значењето на оваа музејска поставка, како и за др Никола Незлобински и неговите почетоци на музејската дејност во Струга.