За Али Пашината џамија во Охрид ќе се дискутира на седница на Влада. Министерството формираше комисија од стручни лица составена од надлежните установи и Управата за заштита на културното наследство која ќе ги испита сите околности во однос на реконструкцијата на Али пашината џамија.

Статистички бројот е мал, меѓутоа далеку од безначаен. Оваа тема станува особено актуелна во последниве недела дена пред се поради ниските температури. Од Центарот за социјални работи од Охрид велат дека постојано се работи на откривање на евентуалните нови случаи на бездомници и нивно успешно решавање.

О.У. Григор Прличев, синоќа го одбележа својот патрон. Настапот на учениците од ова училиште, со своите изведби ја воодушеви публиката во преполнетата кино сала. Присутни беа и гости, ученици од Словенија, кои исто така се претставија со своја програма.

Утре стартува националниот попис на населението во Република Македонија. Пет илјади попишувачи, 500 реонски супервизори, 50 пописни комисии за секој од пописните реони, ја започнуваат оваа статистичка операција.

Медицинските сестри со завршена висока медицинска школа  се жалат дека охридската општа болница не им ги признава дипломите. Нагласуваат дека во систематизацијата на работни места го нема нивниот профил. Ова го потврдува и директорот на болницата д- р Љубен Арнаудов, кој појаснува дека тоа е став на болничкиот Управен одбор.

Охрид ќе добие уште еден мини зелен пазар. ЈП „Градски пазар“ планира да постави 20тина тезги на паркинг просторот кај Општата блница. Ваквата идеја дошла од граѓаните кои досега своите производи нелегално ги продаваа во близина на ова место.

Со полагање на ловоров венец и свежо цвеќе на бистата на Прличев, како и читање на првонаградените литературни творби започна прославата по повод патронатот.

Низа свечености во чест на Великанот на нашата литература – Григор Прличев. 5 ти и 6 ти февруари охриѓани ги одбележуваат „Прличевите Беседи“.
За Григор Прличев денеска во името на Друштвто на писателите на Македонија, писателот и општествен деец Видое Видически одржа пригодна реч во која истакна дека големите луѓе се раѓаат, живеат и творат во исклучително тешки времиња.