Бадниковата поворка повторно ќе биде организирана во Охрид, по две години пауза поради пандемијата на коронавирусот.

Светската награда за хуманизам за 2023 година, Охридската академија на хуманизмот ја доделува на Виктор Фридман.

Албанската и македонската влада се уште не го изготвија заедничкиот план за спроведување на препораките на Унеско. Според експертите потребни се итни мерки за изработка на стратегија и комуникација помеѓу сите актери на целиот слив на Охридското Езеро. Состојбите со природното и културното богатство на Охридскиот Регион ќе се истражуваат на почетокот на идната година.

Новиот дрворед на патеката кон „Горица“ се засадува на потегот кај Скејт паркот и на потегот од Фитнес зоната до хотел „Парк“.

Пекарите и производителите на основните прехрабнени артикли не доставуваат понуди до трговците со пониска цена. Производителите требаше да ги намалат цените на артиклите затоа што од владата добија субвенции за струја. Граѓаните не ги делат оптимизмот и очекувањата на власта дека ќе има намалување на цената на основните прехранбени производи од 5 до 13 отсто.

Струга ќе блесне во Новогодишно руво. Ќе биде организиран концерт за најмладите, но нема да има масовен дочек на Новата година. Од општината велат за празниците нема да има рестрикции на уличното осветлување.

Во новата хуманитарната акција на Црвен крст Охрид во соработка со MI&DA Mobile Service Center од Охрид ви овозможуваат да ги израдувате лицата од социјален ризик, подарувајќи им мобилен телефон што не го користите.

Од НУ „Завод и Музеј“ Охрид информираат дека се завршени археолошките истражувања на локалитетот Самуилова тврдина.