Нелегална сеча ја пустоши планината Јабланица. Шеесеттина камиони натоварени со огревно дрво дневно минуваат низ струшкото село Вишни. Иста е состојбата и во соседно Радолиштa. Жителите преку собир бараат надлежните да прогласат мораториум за сеча.

Од цевководот се извадени големи колчини цврст отпад и градежен шут. За поголем проток на колекторскиот цевковод мора да се одвои атмосферската од фекалната канализација, нагласува директорот на ДЈП Колекторски систем.

РКЕ донесе одлука со која се врши зголемување на цените на нафтените деривати во просек за 2,11 % во однос на одлуката од вчера.

Маж вооружен со пушка и пиштол убил четири лица во медицинска установа во Тулса, Оклахома, по што се самоубил.

Евакуирани 250 лица по дојава за бомба утрово во зградата на Жупанискиот суд во Сплит. Полицијата врши увид на местото.

Охриѓанец нападнал сограѓанин пред угостителски објект на ул. „Кленоец“ во Охрид. Против напаѓачот ќе биде поднесена соодветна пријава.

Утре неколку часа без вода ќе бидат корисниците на ул. „Гоце Делчев”, од улицата „Македонски Просветители” до Здружение на возачи-Далјан.

Жардиниери со саксиско цвеќе од расадникот на ЈП „Охридски Комуналец“ подигнаа жителите на Велгошти, Лескоец, Косел и Долно и Горно Лакочереј.