Кабастиот отпад треба да е уредно оставен до контејнерите или други пристапни места предвидени за подигнување комунален отпад и и претходно локацијата да се пријави на дежурниот телефон

Советот на општина Охрид денеска ја одржа 34тата седница со уште еден ребаланс на буџетот на дневен ред. Јавноста воопшто не беше известена дека ќе се одржува седница, а советниците дознале за истата во текот на вчерашниот ден. Советниците од СДСМ и коалицијата ја напуштија седницата, поради како што велат грубо кршење на Деловникот за работа на Советот и Статутот на Општина Охрид.

Темата на овогодинешната Школа за млади лидери е „Едукација – трансформација – лидерство” и на истата учествуваат четириесетина учесници од различни земји од светот, од Македонија, Србија, САД, Азербејџан, Турција, Јемен, Алжир, Нигерија, Германија, Филипини и Канада, кои своите знаења, вештини и амбиции за лидерство ќе ги градат и развиваат со повеќе од дваесет меѓународно признати професори, експерти од различни области, актуелни и поранешни политичари.

Здружението на Планинари „Великамен“ и Здружението на родители на деца со посебни потреби „Тајните на моето срце“, ја реализираа Втората планинарско-рекреативна акција, на падините на Галичица. Дефектолозите велат дека ова е убава можност, за развивање на самодовербата кај овие лице и за јакнење на спортскиот дух, а водичите на планина додаваат дека ова е само една од можностите за инклузија на овие лица, во уште една од сферите на општественото живеење и подобра социјализација.

Саемот за рачни изработки ќе се одржи на плоштадот Христо Узунов во периодот од 12ч до 15ч.

 Трговијата  со дрва на „црно” посебно  актуелна пред стартот на грејната сезона. Мештаните велат планината јабланица  немилосрдно се пустошоши и од дрвокрадците и од концесионерите, кои сечат без дозвола, за што реагирале до сите надлежни институции. Еколозите велат дрвокрадството ќе се намали кога ќе има поголема заштита, односно   прогласување на Јабланица за национален парк, процес кој се одолговлекува речиси 15 години.

До крајот на оваа седмица ќе се задржи сончево време со студени утра, а релативно топло преку денот.

Граѓаните на Македонија знаеа да го изберат доброто наспроти злото, правдата наспроти неправдата и да застанат против фашизмот како едно од најголемите зла во човечката историја, се вели во честитката од градоначалникот.