Невистинито е тврдењето во овој пост дека е развиен микрочип за детекција на ковид. Сензорот спонзориран од американската војска може да детектира ковид, но не е микрочип. Станува збор за зелен сензор, кој е помал од зрно ориз, ама не е микрочип и во него нема никакви метали или електроника. Сензорот сè уште не е во употреба и е технологија на иднината. Неточно е и тврдењето во постот дека сензорот детектира рани симптоми на ковид, што е непотребно бидејќи самото тело може да ја даде таа информација. Сензорот не детектира ни патогени, ни симптоми, туку молекуларни промени уште пред да се појават симптомите.

Градоначалникот на Њујорк, Бил де Бласио прогласи вонредна состојба откако дождот, по торнадото Ида, предизвика поплава во градот. Вонредната состојба е прогласена во Њујорк.

Од полноќ, нови, повисоки цени на бензините, дизелот ќе се точи по стара цена.

Mерко е непогоден за функцијата градоначалник на Струга како заштитено подрачје, обвинуваат еколозите,  кои бараат казна за струшкиот градоначалник, бидејќи вчера со скандалозна изјава за медиумите најави дека нема да ги урива дивоградбите.

Спасените патници и членови на екипажот од траектот што се запали додека пловеше од Грција за Италија, се пренесуваат на грчкиот остров Крф, каде што ќе се пребројат, регистрираат и идентификуваат, а паралелно во тек е истрага за евентуални исчезнати лица, јави дописничката на МИА од Атина.

„Трудот на работниците мора да се почитува, особено во делот на унапредувањето на работничкиот статус и квалитетот на живеење во услови на економска и здравствена криза. Затоа Владата преку дијалог со работниците и работодавачите ќе ја зголеми минималната плата на 18.000 денари, а до крајот на мандатот на 20.000 денари“, рече министерката за труд и социјална политика Јованка Тренчевска во интервју за утринската програма на МРТВ.

Фотографијата ги зачувува од минливост моментите во времето. 50 такви секвенци уловени од објективот на 12 фотографи се дел од традиционалната изложба на Фото клуб Охрид во чест на празникот Св Климент Охридски. Членовите на клубот и годинава ја истакнаа потребата од простор каде ќе може да работат и да го едуцираат подмладокот на клубот.

Студија што не е рецензирана и е демантирана од многу истражувачи се пласира како доказ дека со вакцините во телото се внесуваат токсини. Станува збор за невистинита вест, т.е. дезинформација.