Со прекин на програмата регионалните и локални телевизии, кои емитуваат програма преку оператори на електронска комуникациска мрежа ќе штрајкуваат поради нееднаков третман од страна на Владата кон радиодифузерите. Штрајкот ќе трае се додека владата не донесе нова уредба за неселективна помош и поддршка на сите радиодифузери во услови на криза од Ковид 19, велат од  Здружението Медиум Објектив.

Целосна конзервација на постоечката депонија на влезот во Струга, претоварна станица за селекција на отпад, како и транспорт на истиот до депонијата Дрисла во Скопје, се трите фази од јавен тендер за конечно надминување на горливиот проблем со дивата струшка депонија. Од општината сметаат дека се надѕира крај на проблемот, додека пак граѓанските активисти не го делат оптимизмот на локалната власт .

Македонското Министерство за надворешни работи (МНР) упати апел до граѓаните на Македонија кои престојуваат на територијата на Руската Федерација, да ги искористат сè уште расположливите комерцијални летови, копнени и морски линии за напуштање на таа земја.

Само за еден ден нискобуџетната компанија Wizz Air потврди дека ги прекинува операциите на релација Охрид – Милано/ Малпенса, како и летовите од Скопје кон Барселона и Ларнака пишува специјализираниот портал „Exyuaviation“.

На 29.11.2021 година во 14.20 часот, пред продажен објект лоциран на улицата „7-ми ноември” во Охрид, нарушен е јавниот ред и мир со физички напад извршен од А.М.(36) врз А.Б.(22), двајцата од Охрид.

Оваа објава се повикува на антиваксерот Виктор Колман и ја дезинформира јавноста дека вакцинираните ќе почнат да умираат наесен, како и дека се заштитени само од првичната мутација на коронавирусот. Наспроти дезинформациите на Колман, според Центарот за контрола и превенција на болести од САД (ЦДЦ), ковид вакцините се безбедни и ефикасни и може да го спречат ширењето на коронавирусот. Истовремено се наведува дека тие што се вакцинирани, дури и да се заразат со коронавирусот, нема да имаат тешка клиничка слика и нема да бидат хоспитализирани во толку голем обем, споредено со проблемите со кои би се соочиле кога не би биле вакцинирани. Исто така, се посочува дека самите вакцини не можат никого да разболат од ковид-19.

Страшна сообраќајна несреќа рано утринава во српскиот град Смедерево – загинаа три лица. Од засега неутврдени причини, автобус преминал на спротивната лента и се судрил со патнички автомобил во кој се превезувале три лица. Сите тројца патници загинале на самото место на несреќата.

Сања Лукаревска ќе седне на местото на Радмила Шеќеринска како заменик претседател на Заев во владејачката СДСМ. Од вкупно 703 делегати Лукаревска која доажа на оваа позиција по предлог на Заев ја поддржаа 682 делегати, а само двајца гласаа против.