Објава на Фејсбук погрешно претставува истражување од Јапонија, по што се вади заклучок дека вакцината на Фајзер-Бионтек влијае на создавање негативни ефекти врз човековиот организам.

Објава на Фејсбук дезинформира дека спајк протеинот од вакцината мРНА може да предизвика тромбови во крвотокот, што ќе доведе до смртни последици. Спајк протеинот од вакцината и спајк протеинот на коронавирусот не се исти. Тоа го потврдуваат медицински експерти докажани во својата работа. Така што, тврдењето дека вакцинираните против ковид-19 ќе починат за неколку години не е ништо друго освен уште една антиваксерска дезинформација.

Наспроти тврдењето во постот, вистината е дека 60 проценти од хоспитализираните поради компликаци од ковид-19 во Велика Британија се невакцинирани. Ова се гледа од исправката којашто на Твитер ја напиша британскиот научник Патрик Валанс, кој ја коригира својата грешка во статистиките коишто претходно ги навел прес-конференцијата со британскиот премиер Борис Џонсон.

Коронавирусот не е отров, како што се тврди во постот. СЗО соопшти дека новиот коронавирус е идентификуван од кинеските власти на 7 јануари 2020 година. Невистинито е и тврдењето дека автоимуните заболувања се добиваат од вакцините. Автоимуните реакции се резултат на ковид-19, а не на вакцината. Не е точно и дека шпанскиот грип, еболата, ХИВ вирусот, коронавирусот, ХПВ вирусот, свинскиот грип и птичјиот грип се циркус создаден од фармацевтските компании. Тие болести и вируси постојат. На пример, шпанскиот грип, е предизвикан од вирусот H1N1. Иако, не е утврдено од каде потекнува, се проширил глобално во 1918-1919 година.

Со невидена леснотија е објавен пост во кој се тврди дека Исус бил против вакцините! Повод за ваквиот заклучок е видео обраќање на калуѓерка од Велика Британија која тврди дека добиле барање за молитви за 50 лица што починале од вакцини. Но католичката црква ја подржа вакцинацијата, а и Папата се вакцинираше.

Како печурки после дожд никнуваат измамите на профили на социјалните мрежи со наводни магнетизирачки својства што ги добиваат луѓето после вакцинацијата со анти ковид вакцините. Во оваа рецензија бележиме уште еден таков пример.

Овој наслов што се споделува на Фејсбук претставува типичен пример на комбинација од „кликбејт“ (clickbait) и недостаток на контекст (missing context). Го измамува читателот кога ќе го види да помисли дека откако ќе кликне ќе добие повеќе информации за укинување на мерката за неносење маска на оторено во Македонија. Но, тоа не е така. Одлуката за која се говори во написот не е донесена во Македонија, туку во Црна Гора. Целиот текст се однесува за епидемиолошката состојба со коронавирусот и мерките донесени за спречување на ширењето на вирусот во Црна Гора.

На овој напис му недостига контекст, поради тоа што во насловот се наведува дека 22 лица починале, иако се вакцинирале, а 664 се заразиле, но притоа не се кажува дека примиле само 1 доза и биле во период на инкубација. Односно, веќе биле во процес на инфицирање со коронавирусот за време на примање на дозата. Тоа што овие лица починале или се разболеле не може да биде поврзано со вакцината поради нејзиниот начин на делување, бидејќи треба да се примат две дози од вакцината и да помине време после втората доза за да се создаде имунитетот, а тој временски период е различен за различни вакцини.