Во чест на Денот на Oслободувањето на Струга 8-ми ноември, делегација од Општина Струга положи цвеќе пред Споменикот на Револуцијата.
На овој ден се поклонуваме пред нашите славни херои, за нивната безрезервна љубов кон татковината и неизмерната храброст, со која го ослободија нашиот град од окупаторите. Никогаш нема да ја заборавиме визијата за силна, стабилна и слободна Струга. Нека е честит и вековит Денот на ослободувањето на Струга – велат од Општина Струга.
