Лидерот на СДСМ Бранко Црвенковски не се сложува со последната изјава на неговиот коалиционен партнер од НСДП, Тито Петковски, кој за унгарскиот премиер Виктор Орбан рече дека го поттикнува национализмот и дека е автократ. Ваквите изјави, според Црвенковски, можат само да ù наштетат на Република Македонија.
“Ние не стоиме зад неа. Со оглед на тоа какви се состојбите на демократски план во одделени земји членки на Европската Унија, пред сè тоа е задача на јавноста и политичарите во тие земји”-Бранко Црвенковски – претседател на СДСМ.
Коментирајќи ги најавите за измени во Законот за лустрација, Црвенковски рече дека нема кодоши во редовите на СДСМ, а измените биле само за замајување на јавноста.
“Што се однесува до мене и до целокупното раководство на СДСМ, власта може да предлага каков сака широк опфат и по структури на личности и по период. Едноставно нема ништо да најдат и повторно ќе се заплеткаат со некакви свои поранешни или сегашни членови и симпатизери и тоа не е проблем”- изјави Црвенковски.
Црвенковски даде и свој коментар на вчерашната изјава на премиерот Никола Груевски во која тој вели дека 2011 ќе биде година на реформа во јавната администрација. Црвенковски со став :Груевски е тој кој ја партизирал администрацијата.
Инаку лидерот на СДСМ Бранко Црвенковски вчера во Вевчани присуствуваше на традиционалниот вевчански карневал.
{loadposition content9}
