Општина Струга распиша Јавен повик за доделување финансиски средства на спортски клубови, граѓански организации од областа на културата и граѓански организации и фондации.
Целта е зацврстување и унапредување на соработката на Општината со граѓанските организации, спортските клубови и организациите од областа на културата преку воспоставување партнерски релации и да се поттикне решавање на локални проблеми преку поголема вклученост на граѓаните и граѓанските организации.
Право на учество имаат спортски клубови и здруженија на граѓани и фондации регистрирани на територија на Општина Струга, според Законот на здруженија на граѓани и фондации – стои во јавниот повик.
Здруженијата кои имаат добиено финансиски средства минатата година треба да достават финансиски извештај за финансиските средства и активностите извршени во текот на минатата година, заедно со потребните обрасци за аплицирање.
Потребните документи треба да се достават во Општина Струга најдоцна до 24 март годинава.
