Голем интересот за социјалните услуги семејна грижа и нега во домот во струшко. Месечно во просек 25 лица добиваат бесплатна помош и поддршка од здружението Порака Нова.
Помош во домашни услови добиваат лица со Алцхајмер, мултиплекс склероза и болни на кои им е потребна палијативна нега. Овие услуги го олеснуваат животот на лицата со посебни потреби и нивните семејства.
„Услуги во домот се услуги за обезбедување помош и нега во домот на лица кои се со привремено или трајно намален функционален капацитет, однодно лица кои што не можат да се грижат за себево својот дом “, вели Марина Спасеска од ЗГ „Порака Нова“ Струга.
Деветнаесет лиценцирани негувателите се грижат за пазарење, одржување на хигиена и давање терапија на лицата со посебни потреби.
„Од досегашното искуство задоволни сме од динамиката на самиот процес и се надеваме дека и после завршувањето на овој проект дека и понатаму ќе се зголеми интересот да се работи на пружање на социјални услуги“, додава Спасеска.
Во Струга од минатата година има и персонални асистенти, кои им помагаат на стари и изнемоштени лица.
Новинар Соња Рилковска
