Во Министерството за транспорт и врски денеска ќе се одржи јавно надавање за отуѓување 18 парцели државно градежно неизградено земјиште на подрачјето на општина Струга, со намена за изградба на трговски комплески.
За локацијата со вкупна површина од 2.000 метри квадратни, Советот на општина Струга неодамна донесе Детален урбанистички план.
Градоначалникот на Струга Рамиз Мерко очекува јавното надавање да заврши успешно, со оглед на големиот интерес за 18-те парцели кои ќе бидат предмет на јавно наддавање.
Според Мерко, на локациите кои се предмет на јавно надавање ќе се градат бензинска пумпа и неколку стопански капацитети. Неизграденото градежно земјиште се наоѓа на левата страна од патот Струга -Ќафасан.
{loadposition content9}
