СВР Охрид поднесе кривична пријава против 53 годишно лице од Охрид поради постоење основи на сомнение за сторено кривично дело „злоупотреба на службената положба и овластување“ и против 42 годишно лице од Струга, 59 годишно лице од струшкото село Радолишта, 55 годишно лице од Струга, 49 годипно лице од Охрид и 49 годишно лице од Струга поради постоење основи на сомнение за сторено кривично дело „несовесно работење во службата“.
Првопријавениот, во текот на 2023 година, во својство на в.д. директор на Јавното претпријатие „Колекторски систем“ – Скопје, подружница Охрид, по објавен оглас за вработување на неопределено време, потпишал одлуки за избор и вработување на двајца кандидати, иако знаел дека не ги исполнувале во целост законските услови наведени во огласот.
