Жителите на струшките села Вишни и Радолишта го кренаа гласот против неконтролираната сеча на Јабланица. Обвинуваат за пустошење на шумите и голoсеци од страна на кoнцесионери без дозвoли и приватни лица.
Велат шеесеттина камиони деноноќно ја соголуваат шуматa. Мештаните стравуваат дека може да останат без вода за пиење бидејќи има намалување на водостоите во вишенските извори и оштетување на локалните патишта.
Дневно околу 60 камиони поминуваат овде натоварени со огревно дрво. Досега не се преземаат никакви активности и покрај нашите барања, а сме се обратиле до сите надлежни органи – вели Цветозар Ристески, претседател на МЗ Вишни.
Обвинуваат дека се вадат дозволи за сеча на приватни лица од кои поголемиот дел се починати и бараат да се воспостави МОРАТОРИУМ за сеча на Јабланица.
Се вади дозвола за сеча на приватни лица кој што се поголем дел починати и со истите тие дозволи се изнесува друго огревно дрво од државни парцели – вели Никола Кутаноски.
Со децении нелегална сеча има и во соседно село Радолишта.
Веќе 10 години се бориме со овој проблем и не можеме никако да се избориме тоа по мое мислење е организиран криминал – вели Џевдет Даути, претседател на МЗ Радолишта.
Жителите повеќепати ја информирале шумската полиција и инспекторатот да преземат мерки за сопирање на нелегалната сеча на Јабланица.
Новинар : Соња Рилковска
