Двајца маскирани вооружени напаѓачи, рано изутринава ја ограбиле бенсинската пумпа на „Макпетрол“ лоцирана на ул. „Пролетерски бригади“ во Струга.
Според првични полициски сознанија, грабежот бил извршен во 4:10 часот, при што под закана со оружје од двајцата вработени им биле одземени околу 710.000 денари пари од дневниот промет. Потоа ограбувачите се изгубиле во непознат правец. Не е повреден никој од вработените.
Во Полициската станица во Струга во тек е информативен разговар со двајцата вработени. Во бензиската пумпа присутна е внатрешна инспекција од дирекцијата на „Макпетрол“ Скопје, која за повеќе информации упатува на Службата на компанијата одговорна за давање на информации.
{loadposition content9}
