Денес пристигна нафта за основците од струшко „Јосип Броз Тито“, како што информира Тони Савевски, В.Д. директорот.

Празни училници во Струга. Поради недостиг од нафта за греење, денес учениците не дојдоа на настава во студените училници во Општинското Основно Училиште „Јосип Броз Тито“. Од Советот на родители од училиштето  цврсто зазеле став дека додека не се обезбеди парно греење нема да ги пуштат децата на училиште. Надлежните ветуваат дека нафтата во училиштата ќе пристигне уште вечерва.

Фудбалер на „Влазними“ нападнал фудбалски судија.

Споменикот на револуцијата и струшкиот плоштад, дел од плановите на градоначалникот Зијадин Села. За реализација на истите, вели дека чека соодветни дозволи од Министерството за култура. Според Села, Струга заслужува еден убаво уреден, а не руиниран плоштад каков што е во моментот.

Нов паркинг доби СОУ „Нико Нестор“ Струга. Овој паркинг простор кој се наоѓа позади училишната зграда ќе биде наменет исклучиво за професорите, кои ќе имаат 30 места на располагање за да ги паркираат своите автомобили. Овој зафат струшката гимназија го реализира со средства од нивниот буџет и со голема соработка со учениците и професорите од стручните паралелки.

Дебата наместо насилство. Под ова мото учениците од различни етникуми од СОУ „Нико Нестор“ докажаа дека во ова училиште владее разумот, толеранцијата и дека не постои повеќе меѓуетничката нетрпеливост. Тие денес во знакот на одбележување на американскиот празник Hallowen се забавуваа под маски а дел од нив беа и наградени.

Jакнење на свеста кај граѓаните за препознавање и пријавување на семејното насилство и максимална вклученост на Центрите за Социјална работа, МВР и Судовите,  се новините во Законот за превенција, спречување и заштита од семејно насилство. Во Македонија секоја 4та жена е жртва на семејно насилство.

На 3-ти ноември 2014 година, љубителите на македонската филмска уметност во Центарот за култура „Григор Прличев“ ќе имаат можност премиерно да го погледнат најновото филмско остварување „До Балчак” на режисерот Столе Попов.