Живот за сите во Струга и решавање на клучните проблеми, приоритет на кандидатот за градоначалник на општина Струга, Васил Ашталкоски од коалицијата предводена од СДСМ. Ашталкоски најави решавање на проблемот со водоснабдувањето во градот и сите населени места во општината, решавање на деценискиот проблем со дивата градска депонија и останатите депонии во населените места, подобрување на патната инфраструктура.

Денес е Мала Богородица или Рождество на Пресвета Богородица, мајката на сите мајки. На овој ден река од народ доаѓа во Калишта и старо и младо, и православни и муслимани. Во манастирот верниците се поклонуваат пред единствената икона т.н Црна Богородица.

Струшките хотелиери се оставени сами на себе да се снаоѓаат како знаат и умеат. Тие сметаат дека на градот на две води му треба добра промоција, она што досега го нема, како и залагање на општина Струга да го реши проблемот со несредените плажи, нерегуларните паркинзи и депонијата како најгорлив проблем поради кој оваа сезона претрпе огромни последици.

Враќање на основните вредности на ВМРО – ДПМНЕ, модернизација и демократизација на партијата е целта на Караванот за демократизација на ВМРО – ДПМНЕ, кој веќе три месеци на терен остварува средби низ градовите и селата во Македонија со членовите на партијата. Само со суштински реформи, ВМРО – ДПМНЕ може да се врати на власт истакна иницијаторот, Александар Михајловски.

Пет спортови на вода во еден ден. Годинава за прв пат во пет дисциплини 80 натпреварувачи од Струга, Охрид и Скопје си ги одмерија силите. Струга втора година по ред е домаќин на „Ден на Водни спортови“, настан кој од година во година прераснува во една заначајна спортска манифестација која покрај натпреварувачкиот карактер го промовира градот и ја продолжува туристичката сезона.

Повеќе од една деценија, некогашниот затворен пливачки базен во Струга зјае како руина. Објектот е оставен на забот на времето да пропаѓа, иако своевремено беше еден од најрепрезентативните спортски објекти во земјава. Директорот на ОУ „Браќа Миладиновци“ кое се наоѓа веднаш до базенот бара од надлежните на локално или централно ниво да преземат мерки објектот да биде затворен за да не претставува собиралиште на зависници од дрога.

Вчера во просториите Општина Дебрца Градоначалникот Игор Трајкоски имаше средба со најмладите првачиња во Општина Дебрца.

Деновиве КУД „Дримкол“ од Вевчани учествува на фестивал во градот  San Giovani in Galdo во Италија. Во своето гостување друштвото  оддржа 3 целовечерни концерти пред многубројна  публика во градовите Ripalimosani  и San Giovani in Galdo каде ги претстави богатата македонска народна носија,  изворните инструменти како и изворните кореографски постановки.