Др Владо Кочоски е кандидатот на ВМРО – ДПМНЕ, кој влегува во трката за градоначалник на Струга, на престојните Локлани избори. Оваа одлука падна доцна синоќа на седницата на Извршниот Комитет на ВМРО – ДПМНЕ.

Од Здружението за развој и активизам „Аква“, Струга, по неодамнешната одлука на Управниот одбор на ЈП „Комунално“ да отстапи дел од своите дејности на приватни фирми, прашуваат: Што во иднина му останува да работи на  Комунално Струга?

Запазени се сите законски норми за склучување на ЈПП за трите комунални дејности, управување со пазарот на големо, пајак службата и рециклирање на комунален отпад, се тврди директорот на ЈП „Комунално“, од Струга, Петко Кутаноски, откако претходно тие информации не ни беа достапни од ова претпријатие.

Заштита на жената во сите сфери на животот, како мајка, домаќинка и стопанственик. Кон ова се стремат од „Езерка“, кои денес одржаа трибина, со цел на жените од Струга да им го приближат концептот и реализација на иницијативата „Женски суд“, поточно ширење на свеста за родовиот аспект на транзициската правда во Македонија, како и зачувување на мирот и безбедноста на балканските простори.

„Бени Маркет“, ДОЕЛ Велешта ќе стопанисува со струшкиот зелен или попознат како ајван пазар. Додека пак со пајак службата, ќе стопанисува „Албафох“ ДОЕЛ Велешта, а рециклирањето на комуналниот отпад ќе го врши „Сити логистик“, ДОЕЛ Скопје. Вака одлучи ЈП „Комунално“, од Струга, кое во тајност ги чува информациите за текот на спроведувањето на постапката за јавно приватно партнерство.

Се поставува јарбол висок 20 метри со знамето на Р. Македонија во Мислешево, Струшко. Иницијативата е граѓанска, поставуваме државен знаме на приватно земјиште, но струшката Локална самоуправа се обидува да не спречи во намерата, велат мештаните.

Завод и музеј годинава ќе ја конзервира и реставрира џамијата Мустафа Челеби во Струга.

Струшкиот комитет на ВМРО – ДПМНЕ му порача на Црвенкоски, Струга е обединета како никогаш досега и нема да биде вовлечена во неговото сценарио, со кое за да ја зачува својата фотеља како заложник ја става цела Македонија. Но струшките вмровци му укажаа и на Цановски од ПЕИ, оти проѕирна била неговата политика со која кокетира со Дпмне, СДСМ, Дуи и ДПА.