Младите стружанчиња ќе учат влашки јазик. Целна група се деца од 3 до деветто одделение. Синоќа во хотел Дрим Струга се одржа манифестација по повод свеченото отварање на факултативниот курс по влашки јазик.

Во Струга и Вевчани евидентирани се 9000 дијабетичари од кои околу 2000 се на инсулин. Бројот секојдневно е во пораст и тоа на глобално ниво, што претставува една лоша тенденција на зголемување на пациентите со дијабетес од сите типови. Денес во Струга беше одбележан Светскиот ден на дијабетесот.

Во Струга ќе се гради туристичка развојна зона. Ќе никнат стотина туристички куќи, неколку хотели и базени. Слободната туристичката зона ќе се гради на просторот над Калишкиот манастир, а ќе бидат запазени препораките на Унеско.

Лабуништани против каменоломите крај селото. Тие најавуваат и протести доколку не се стопира новиот ископ на планината Јабланица во месност Стрижак, каде се отвара уште еден каменолом.

Поради постоење основи на сомнение за сторено казнено дело „спречување службено лице во вршење службени дејствија“, полициската станица од Струга поднесе кривична пријава против Б.Ќ.(24) од струшкото село Велешта.

Со целовечерен концерт викендов во Вилнус, Литванија, КУД „Дримкол“ од Вевчани  го презентира македонскиот фолклор и традиција.

Социјалната карта на општина Струга претставува слика на актуелните социо економски и демографски специфики на општината. Таа ги содржи сите податоци од социјалната сфера кои понатаму треба да претставуваат насока за општината во нејзините натамошни преземања на мерки и услуги на локално ниво, насочени кон идентификуваните социјални ризици и социјално ранливите категории.

До крај на месец ноември годинава ќе се изгради дрвениот мост во Струга. Тое е наша обврска кон граѓаните, вели струшкиот градоначалник Зијадин Села. И не само, тоа ќе се санира и делот каде што пропадна коритото на реката Црн Дрим, а ќе се изведат зафати и за реконструкција на оградите и од останатите три моста како и шеталиштата, така што ќе се добие едно убаво средено градско јадро.