Дел од хотелско угостителските објекти на струшкото крајбрежје, беа наградени на Светскиот ден на туризмот. Тоа за нив како што вели менаџерот на хотел „Мираж“ Струга дава импулс да работат уште пуспешно во наредниот период.

Фондацијата отворено општество и оваа година на општина Струга ќе и даде средства за еден значаен проект кој ќе го одберат граѓаните. За таа намена фондацијата ќе даде 40 000 американски долари. Тоа е во рамките на реализација на проектот Општина по мерка на граѓаните кој се спроведува во три општина, Струга, Струмица и општина Центар, Скопје.

Искршени и оштетени плочки на двете страни од кејот на реката Црн Дрим. Од едната страна ваквата слика веќе подолг временски период ја нагрдува туристичка Струга, додека пак од другата, плочките се поставени минатата година и веќе се оштетени. Граѓаните сметаат дека локланата самоуправа време е да го реши овој горлив проблем.

Од година во година се помал е бројот на запишани ученици во двата средношколски центри во соседна Струга. Дотолку сериозна е состојбата што оваа година згасна една од паралелките во кои наставата се одвива на Албански наставен јазик во гимназијата „Ибрахим Темо“.

Реки од луѓе синоќа и денес се слеваа во атарот на верскиот објект „Рождество на Пресвета Богородица“ во струшкото село Калишта.Секоја година на 21 септември се празнува големиот христијански празник Мала Богородица. Народните верувања зборуваат дека на овој ден жените кои немаат деца, одат да се помолат на мајката божја за рожба.

Струшката фабрика „Екоферт“ единствена за производство на органско ѓубриво во земјава и Балканот.

Во Југозападниот плански регион сеуште нема легална депонија. Со воведување на систем за интегрирано управување со отпад ќе се надминат проблемите околу цврстиот отпад. Тој предвидува организиран начин на собирање отпад, изградба на регионална депонија и трансфер станици. Најголем бенефит ќе има населението кое ќе се куртули од дивите депонии кои ќе бидат отстранети а земјиштето каде се наоѓаат ќе се исчисти, рекултивира и ќе се врати во нормална состојба, велат од Југозападниот плански регион.

Струшката детска градинка „8 ми Март“ прерасна во комплетно енергетски ефикасен објект. Паралелно со замената на азбестниот покрив во објектот „Сонце“, Центарот за развој на Југозападниот плански регион интервенираше и на промена на старите прозорци и врати со нови ПВЦ. За таа цел Центарот издвои средства во висина од еден милион денари, обезбедени од Националниот буџет.