„Вистината излезе на видело и два пати со докази се потврди, останува да се спроведе правдата, и изречената казна од 10 години да ја одлежи обвинетиот“.

Така е насловена склуптурата, која утре треба да се открие на струшката плажа „Галеб“. Споменикот се открива во чест на тројцата стружани, кои на 11 септември минатата година на ова место настрадаа од струен удар.

Свечено отворен научниот симпозиум „Браќата Миладиновци и времето на македонската преродба од 19 век. Идејата за симпозиумот ја иницираше музејот од Струга, во пресрет на годината на одбележувањето на неколкуте јубилеи поврзани со делото на браќата Миладиновци.

16 годишната Аријанита.Б. вчера напладне си го одзеде животот. Оспорена долгогодишна љубовна врска од страна на нејзиното потесно семејство, причина за немилиот настан.

Момчињата и девојките кои волонтираат во Младинскиот центар, преку теоретските и практични обуки, ги градат темелите за своите идни професии.

Хотел „Бисер“, Струга се оправда сезонава. Рестартирањето на овој хотелски комплекс значи многу за туризмот во Струга. Ценовната политика и акциите со кои ги разбудивме туристичките агенции годинава, многу допринесоа хотелот да ги исполни нашите очекувања, вели маркетинг менаџерот на хотелот Татјана Огненовска.

Македонскиот синдикат на енергетските компании, делува без проблеми. Тоа значи дека правата на работниците во трите компании кои се во делот на енергетиката, ЕЛЕМ, МЕПСО и ЕВН,а кои имаат потпишано договор со енергетскиот синдикат, се комплетно заштитени.

Патот што минува покрај каналот во Мислешево останува неасфалтиран. Жителите на оваа приградска населба ќе мора барем уште една година да чекаат за да им се реши овој горлив проблем кој се провлекува со години и децении. Во овогодинешниот буџет не се предвидени средства за негово асфалтирање-вели градоначалникот на Струга, Рамиз Мерко.