Триесет и четири годишен маж од струшко Мислешево нападнат и искасан од кучиња. Кучињата од расата Пит Бул биле без заштитна маска и ремен како што информираат од полицијата. Кај граѓаните подолг временски период постои голем револт заради состојбата со кучињата, посебно на општините кои немат свои служби за третман на бездомните кучиња, но гневни се и на несовесноста на оние со миленици, кои не им ја ставаат задолжителната заштитна опрема.

Денес на меѓународниот ден на лицата со Даунов синдром, на еден иновативен и интересен начин се подигнуваше јавната свест за оваа состојба, годинава под мотото „Мои пријатели, мое општество“.

Струшкото село Калишта, заборавено од државата, се жалат мештаните од ова село. Тие укажуваат на бројни проблеми кои надлежните треба да ги решат. Велат не треба само пред избори да се ветува и да не се исполнува, бидејќи бројните туристи има што да видат, лоша патна инфраструктура и смет од двете страни на патот.

Полициската станица од Струга поднесе кривична пријава  против 55- годишен стружанец поради постоење основи на сомнение за сторено кривично дело „бесправно градење“.

Лошата состојба во струшките основните училишта ќе се преслика и во средните оваа година, поради намалените блок дотации од државата, сметаат од секторот за образование при општина Струга. Најмногу тоа ќе се одрази во делот на набавка на нафта за греење како и во превозот за учениците.

Во соседна Струга за прв пат воведен е модерен начин на управување со отпад, со изградба на подземен контејнер, во централното градско подрачје. Носител на проектот е Центарот за Развој на Југозападниот плански регион, од каде најавија дека до крај на месец март годинава, подземен контејнер ќе добие и општина Охрид.

Со цел жените од регионот да се ослободат од стравот на непознатото како и да се поттикнат повеќе да веруваат во себе и своите способности, Центарот за развој на Југозападен Плански регион во соработка со Нолеџ центар, успешно изведоа обуки за развој на женско претприемништво. Очекувањата се дека идните жени претприемачи од регионов успешно ќе ги реализираат своите идеи.

На струшката болница за дијализа потребни и се нови апарати за хемодијализа, обновување на хируршкиот ендоскопски столб на одделението за урологија, а приоритет е санација на кровот кој при обилни врнежи од дожд и снег прокиснува во дел од собите на заводот.