Здружението на македонски угостители бараат намалување на ДДВ од 18 на 5% за храната во хотелите и рестораните. Тие предлагаат и други  мерки што ќе значат финансиско растоварување на хотелско-угостителскиот сектор и индиректен стимул за нови инвестиции и за модернизација на постојните капацитети и изградба на нови. Од ХОТАМ даваат голема поддршка на предлозите на угостителите за измена на Законот за угостителство и сметаат дека тоа треба да се направи час поскоро.

Струшката депонија, канцер за градот, еколошка бомба, грда слика за туристите, закана по здравјето на луѓето, се само дел од коментарите на стружани, но и забелешки на биолозите и еколозите. Последниве два дена оваа депонија повторно се пали а стружани бараат нејзина итна дислокација.

Стружани полесно до институциите во општината. Сите информаци околу постапките и процедурите од секторите кои отворено работат со граѓаните на едно место, во водичот за граѓаните, чекор по чекор низ постапките во општината.

Стопирање на сечата на дрва на природниот резерват Јабланица како и негово прогласување за Национален парк, побараа струшките екологисти на Светскиот ден за заштита на животната средина.  Со цел подигнување на еколошката свест кај локалното население и институциите стружани денес излегоа на еко марш.

Очајна е состојбата на Кајакарскито Клуб „Црн Дрим“, Струга. Клубските бараки пропаѓаат од забот на времето, речиси и да нема приод до езерото од нараснатата и густа трска. Тоа се должи на негрижа и не работа на екс раководствата на овој клуб кои години наназад го туркаа во проапаст овој некогашен врвен спортски клуб. За состојбата со кајакот некогаш и денес зборува Ристе Чурка, кајакарот кој своевремено но и денес е познато име во овој спорт.

Поради постоење основи на сомнение за сторено казнено дело „фалсификување пари“, полициската станица од Струга поднесе кривична пријава против В.Џ.(34) од Берат, Република Албанија.

Струшките месни заедници во моментов се пасивни. Потребно е градење на капацитети, информации, насоки, обуки за да се вклучат во целосната работа на општината, сметаат од центарот на заедниците на општина Струга.

Струшката градска библиотека работи функционално и во одлични услови. Секоја година го подновува фондот на книги со нови наслови, тврди директорката Слободанка Попоска. Ова доаѓа после забелешките на дел од граѓанските здруженија до кои пак пристигнале укажувања од граѓани, дека лектирите за ученици на албански јазик се слабо застапени во библиотечниот фонд.