Индивидуалните станоиздаватели во Струга еднократно ќе плаќаат 3000 ден комунална такса за вишок смет. Оваa предлог одлука коалицијата на власт ја изгласа на 18-тата седница на струшкиот Совет.

Се затајува ли проблемот со безбедносната состојба во Струга, со дивите шанкови и нелегално поставената урбана опрема? Седниците во Струга сведени на интригантни прашања, без одговори. Советниците упорно пред секоја седница со куп прашања до локалната администрација и до градоначалникот Рамиз Мерко, но за возврат добиваат ветување дека одговор ќе добијат на некоја наредна седница.

Струшкото гинеколошко одделение работи со полна пареа. Обемот на работа во овој одел 100% е зголемен поради приливот на охридските родилки, кои пак поради реконструкција на општата болница во Охрид, се породуваат во Струга.

Синоќа ослободени од 20 месечниот притвор браќата Миладинови. Тие во наредниов период ќе се бранат од слобода. Бранителот на Миладинови, Драган Гоџо задоволен од одлуката на вишиот обвинител.

Деградацијата на паркот на струшката плажа „Галеб“, недопустлива за екологистите. Локалната смислува начин како легално да го оправда темелот на новиот објект.

Браќата Ѓорѓи и Димитар Миладинови, кои претходно беа осудени на шест и пол години затвор за случајот „Изгрев“, пуштени се  на слобода од притворот во Скопје.

„Јас работам со срце“ е мотото под кое од Заводот за кардиоваскуларни заболувања од Охрид ќе го одбележат Светскиот ден на срцето.

Средства во висина од 450.000 евра се потребни за поврзувањето на туристичката населба Радожда на колекторскиот систем. Градоначалникот на Струга обезбедил 150.000 евра за почеток, но побара помош од државата за останатото, бидејќи се знае кој е стопан на езерото. Министерот Јакупи рече дека лично ќе се залага за обезбедување на останатите средства за приклучок на колекторскиот систем во делот на Радожда.