Партиите од Струга ги кројат листите за своите кандидати за пратеници. Додека во ВМРО-ДПМНЕ кандидатската пратеничка листа ја крои централата во Скопје, во СДСМ членството на општинско ниво предлага свои кадровски решенија, а конечниот избор ќе го направи централата.

Денес во  канцеларијата на Билатералниот Секретаријат за сливот на Охридско Езеро во Салата на СРЦ Атина Бојаџи Охрид, официјално ќе ја презентира заложбата за одбележување на  Ден на реката Дрим.

Во двете струшки гимназии „Нико Нестор“ и „Д-р Ибраим Темо“ нема место за конфликти и инциденти меѓу средношколците, посебно во предизборниот период. Директорите тврдат дека целиот наставен кадар ќе биде ангажиран за да не дојде до инциденти.

Поради постоење основи на сомнение за сторено казнено дело „Неовластено производство и пуштање во промет на опојни дроги, психотропни супстанци и прекурсори“ полициската станица од Струга против Д.У. (67)  поднесе кривична пријава.

Денес во хотел Дрим Струга беше промовирано регионалното поврзување на невладиниот сектор и СВР Охрид. Тоа претставува суштински чекор за унапредување на соработката помеѓу полицијата и невладиниот сектор, во насока на градење на меѓусебна доверба и партнерски однос во решавањето на безбедносните проблеми на граѓаните.

Четвртоодделенците од ОУ. „Браќа Миладиновци“ беа во посета на Советот на општина Струга. Целта на посетата беше воведување на учениците во општествениот и социјалниот живот како и градење на здрава единка за во иднина, велат наставниците кои ги предводеа учениците.

Новороденчето е девојче Славица Мувческа од село Требеништа, која се роди на 01 февруари годинава.

Општина Струга и мисијата на ОБСЕ во Македонија партнери во напорите за градење соживот и за побезбедни училишта. Амбасадорот на мисијата на ОБСЕ во Република Македонија, Ралф Брет и градоначалникот на oпштина Струга, Зијадин Села денеска потпишаа Меморандум за соработка кој се однесува на проектот „Медијација за промена“, кој го спроведуваатдвата струшки средношколски центри, Нико Нестор и Ибраим Темо.