Преку спорт и рекреација поголема инклузија на лицата со попреченост од Струга. Петнаесетина лица со посебни потреби од струшко докажуваат дека спортот и физичкото вежбање не се резервирани само за „здравите” лица. Три часа неделно тренираат џудо заедно со професионалните спортисти. Во нашата земја потребни се подобри услови за спорт и рекреација за лицата со попреченост.

Со 400 илјади евра ќе се реконструира Специјалната болница за нефрологија во Струга. Ќе се менуваат подовите, модернизираат операционите сали и комплетно ќе се реновира одделот за Холидеј дијализа. Со сите овие зафати се исполнуваат условите за развој на здравствен туризам. Проектот е на владата поддржан од Швајцарската амбасада.

Инвестициите во комплетна внатрешна реконструкција на објектот ќе продолжат и во иднина за што веќе се обезбедени финансиски средства од аплицирани проекти.

Дебатата „Климатски промени, животната средина и родовата перспектива“ е дел од проектот „Родова зелена лупа“.

Со посебен протокол, работна група и засилени теренски акции Струга се обидува да го реши проблемот со питачењето. Загрижува тоа што се поголем број деца просат низ струшките улици. Покрај казните, последниот чекор за несовесните родители, кои ги пуштаат децата да питачат е одземање на родителското право.

Струга конечно започна со хуман третман на бездомните кучиња. За оваа намена издвоени се 600 000 денари, а досега се третирани десетина улични кучиња. Според слободните проценки во струшко има стотици улични кучиња, а овој зафат нема да донесе решение на проблемот. Од општината велат за решавање на проблемот потребни се измени во законот, грижата за уличните кучиња да ја преземе Агенцијата за храна и ветеринарство.

Слаб интерес за проектот „Втора шанса“ на Агенцијата за вработување во струшко. Со овој пилот проект им се дава можност на лицата кои од разни причини не завршиле средно образование, да добијат диплома, која не ја стекнале додека биле вклучени во редовното образование.

20-годишен жител на Велешта доби кривична пријава. Полицијата во неговиот дом пронајде 4 куршуми боева муниција со различен калибар.