Сојузот на борците најавуваат активен период на работа. Новиот претседател Гоце Георгиески, има полни раце работа бидејќи според него расте интересот на луѓето кои сакаат да се членови на сојузот на бoрците од Охрид.

Спасовден и годинава традиционално одбележан во Горно Лакочереј. Варошани и оваа година дел од главната церемонија. Манастирот обезбеди софра за сите посетители, а неа ја благослови Г-дин Тимотеј.

ИПА Програмата за прекугранична соработка го отвори вториот повик за доставување проекти. Интересот за аплицирање на охриѓани голем, но реагираат на условите кои се бараат за подготвување на проектите.  Во првиот повик кој беше скоро пред една година биле пријавени 60 апликации, но сеуште нема информации дали некој ќе биде прифатен, затоа што евалуацијата е во тек.

Струшките таксисти на мета на охридските инспекциски служби. Во период од еден месец изречени се 15 мандатни казни на таксисти од соседната општина. Глобите се високи и изнесуваат до 3000 евра, велат од општинскиот комунален инспекторат.

Претседателското место на струшкиот огранок на ВМРО – ДПМНЕ примамлива позиција за повеќето партиски активисти во оваа општина. До крајот на неделава треба да се знае кој ќе застане на оваа челна позиција.

Од ДПА  Струга со сериозни обвинувања за работата на советниците и градоначалникот Рамиз Мерко . Првиот човек на Струшкиот огранок на ДПА, Зиадин Села вели дека на совет се носат многу одлуки по диктат на локални моќници. Од локaлната самоуправа ги дементираат овие обвинувања и велат дека сите одлуки се донесени соодветно законските прописи.

Груевски денес во Охрид ја предаде во употреба првата зграда од планираните четири на локалитетот „Расадник“. За изградба на оваа зграда инвестираше Владата и понудена е најповолна цена за откуп на стан по метар квадратен.

Во Струга одбележан денот на Европа 9 ти Мај. На Македонија местото и е во големото европско семејство, порача првиот човек на општина Струга, Рамиз Мерко. Евроамбасадорот Ерван Фуере изненаден од спектаклот што општината го приредила по повод овој ден.