На Јабланица и Караорман ќе се мапираат и обележуваат велосипедските патеки. Овој проект ќе придонесе за поголема безбедност на планинарите и велосипедистите. Велосипедската култура во земјава последните години доживува подем, а интересот за планински велосипедизам енормно расте во светски рамки.

Адвокатска канцеларија од Струга поднесе иницијатива за измена на чл.11 од Законот за плата на избрани и именувани лица, со што основицата за пресметка на платата на фукционерите ќе се утврди како минималната исплатена месечна плата по вработен за претходната година. Оваа измена на законот е оправдана поради економската криза, а воедно на овој начин ќе се изврши усогласување на платите на избраните и именуваните лица согласно стандардот во државата.

Триесет и едно годишно лице од село Враништа вчера загина на локалниот пат во Центар Жупа, информираат од МВР.

30-годишен жител на Скопје е уапсен поради сомнение дека противправно задржал тинејџерка од Охрид во викендичка во струшко, во која претходно двајцата заедно провалиле, соопшти полицијата.

Нова пролет стари проблеми во струшко. Почна спалувањето на трската во Калишко поле. Изминатава недела евидентирани се два пожари при што е уништена поголема површина на трска. Еколозите алармираат со години. Се уште го нема најавениот видео надзор и ренџерска служба за заштита.

Кривична пријава за жител на Октиси кој со употреба на копија од клуч влегол во домот на Т.М.(62) од истото село и одзел 5700 евра и 800 швајцарски франци. Парите биле пронајдени и вратени на оштетената.

Со пригодна беседа „Струшките вечери на поезијата“ денес му оддадоа почит на големиот шпански поет Хусто Хорхе Падрон. Настанот се одржа во паркот на поезијата, веднаш до дрвото кое поетот го засадил во 1990 година кога беше добитник на Златниот венец. Специјални гости на настанот беа членовите на најблиското семејство, неговата сопруга која е Македонка и нивната ќерка.

Во акцијата за расчистување ќе се опфатат и локални улици кои се наоѓаат во урбаниот дел на Општина Вевчани.