Струшката библиотека ги заштитува вредните збирки. Роднокрајната збирка за историјата на општина Струга и единствената збирка на Струшките вечери на поезијата ќе бидат под специјален режим на чување. Дополнително, со 200 илјади денари годинава ќе се збогати книжниот фонд, подеднакво ќе се набавуваат книги на македонски и албански јазик. Струга има читателска публика, во библиотеката просечно месечно има по 700 членови.

Игор Шајноски од Струга е првиот уличен продавач на списанието „Лице в лице“ во земјава. Момчето со Даунов синдром ги побива стереотипите и предрасудите, попреченоста не е препрека за успех. Тој денес е вработен и самостоен. Во Струга денес се одбележа Светскиот ден за подигнување на јавната свест за лицата со Даунов синдром.

Се работи на комплетна реконструкција на кујната во детската градинка. Проектот е во соработка со Центарот за развој на Југозападен плански регион.

Како што информираше градоначалникот на Вевчани Спасе Кочовски, во текот на вчерашниот ден започна изградбата на локалната улица „Крепо“.

Бесплатен скрининг за рано откривање на бубрежни заболувања во Специјалната болница за Нефрологија во Струга. Голем број граѓани ја искористија можноста да направат прегледи и да ги слушнат советите од лекарите. Според статистиката, во светот 850 милиони луѓе имаат некоја форма на бубрежна болест. Кај нас бројката на заболени е 150 илјади од кои еден процент се на дијализа.

Утре од 9 до 11 часот во холот на амбулантно-поликлиничкиот оддел на болницата за Нефрологија во Струга ќе се спроведе бесплатен скрининг за рано откривање на бубрежни заболувања.

По завршување на потребните административни процедури потпишан е договорот за изведување на работи за реконструкција на локалната улица „Крепо” во Вевчани.

Во четврток на 16-ти март од 10 до 17 часот ќе има прекин во водоснабдувањето на целата територија на општина Струга поради изведување работи од „ЕВН“.