По трет пат се одложи судењето против тројцата гинеколози од струшката болница кои се товарат за тешки дела против здравјето на луѓето. Според обвинението поради лекарска грешка при породување родилката Јилдиз Веапоска, медицинска сестра од Дебар остана без три органи- јајник, матка и бубрег. Веапоска вели како одминува времето, таа се чувствува се полошо и физички и психички, а дополнително е изложена на трошоци за секое доаѓање на рочишта во Основниот суд Струга.

Кривична пријава против 25-годишен стружанец и неговата вонбрачна сопруга, поради запуштање и малтретирање на дете. Констатирано е дека во домот на пријавените врз 16-месечно бебе паднал дел од мебел.

Со европски пари ќе се поттикнуваат еко бизниси во туристичкиот сектор. Субвенции ќе добијат 40 мали компании во двете погранични општини Струга и Поградец за поставување соларни панели и подобра енегретска ефикасност. Целта е подобрување на туристичката инфраструктура преку вложување во зелени бизниси за заштита на животната средина.

Кривична пријава за 29-годишен жител на с. Радолишта кај кого при полициска контрола на крстосница за с. Добовјани, пронајдена е марихуана.

Од СВР Охрид информираат дека 18-годишна девојка од Лабуништа била касната од куче скитник на ул. Пролетерски бригади во Струга.

Приведен 48-годишен жител на Октиси кој бил баран по потерница за издржување на затворска казна од две години.

Кривична пријава против 54-годишен жител на Струга, кој на државно земјиште, со обележја и симболи на Општина Струга, си направил приватен паркинг.

Преку спорт и рекреација поголема инклузија на лицата со попреченост од Струга. Петнаесетина лица со посебни потреби од струшко докажуваат дека спортот и физичкото вежбање не се резервирани само за „здравите” лица. Три часа неделно тренираат џудо заедно со професионалните спортисти. Во нашата земја потребни се подобри услови за спорт и рекреација за лицата со попреченост.