Струга конечно започна со хуман третман на бездомните кучиња. За оваа намена издвоени се 600 000 денари, а досега се третирани десетина улични кучиња. Според слободните проценки во струшко има стотици улични кучиња, а овој зафат нема да донесе решение на проблемот. Од општината велат за решавање на проблемот потребни се измени во законот, грижата за уличните кучиња да ја преземе Агенцијата за храна и ветеринарство.

Слаб интерес за проектот „Втора шанса“ на Агенцијата за вработување во струшко. Со овој пилот проект им се дава можност на лицата кои од разни причини не завршиле средно образование, да добијат диплома, која не ја стекнале додека биле вклучени во редовното образование.

20-годишен жител на Велешта доби кривична пријава. Полицијата во неговиот дом пронајде 4 куршуми боева муниција со различен калибар.

Кривична пријава за жител на Албанија кој насилно влегол во две куќи во Струга од каде противправно одзел накит и други предмети.

Пред казино на ул. „15 Корпус“ во Струга, две лица физички нападнале жител на Кавадарци и му одзеле 11 000 денари.

Министерот за здравство Беким Сали денеска ја посети Општата болница во Струга каде предаде во употреба современ мамограф за скрининг и навремено дијагностицирање на промените на дојка. Апаратот ќе го подигне квалитетот на здравствените услуги на пациентки од југозападниот регион.

Крадецот бил затекнат при излегување од куќа, каде што претходно извршил тешка кражба, при што одзел пари и разни предмети.

Кривична пријава за 54-годишен жител на Октиси кој во својство на референт по сеча во шумско стопанство „Јабланица“ ја злоупотребил службената положба.