Во Вевчани карневалско лудило. Зурли, тапани, ора и стотици маски продефилираа по вевчанските улици. Во фокусот на карневалот беше енергетската и економската криза, европската интеграција на земјава, преговорите со Бугарија, војната во Украина. Првиот човек на општина Вевчани ја повика јавноста да не замерува за маските, бидејки василичарите немаат намера да навредат никого ни по верска, ни по национална основа.

Закони за заштита на животните во земјава има, но тие не се спроведуваат. После масакрот на десеттина кучиња во Струга активистите бараат надлежните институции да преземат итни мерки за хуман третман на уличните кучиња. Пратениците од Струга велат, власта нема волја да го реши проблемот кој се провлекува со години.

СУРАТИТЕ се спремни за дефилето на 13-ти јануари. Бината е наместена и на 12-ти и 13-ти на сцена се МУЗИЧАРИТЕ, велат организаторите на Вевчанскиот карневал.

За стимулирање на пазарот на недвижности потребни се измени во постојната законска регулатива. Агентите предлагаат да се укине забраната граѓаните од регионот и неевропските земји да може слободно да купуваат недвижнини во земјава. Постојните закони им овозможуваат само на жители на ЕУ и САД да купуваат недвижности, а граѓаните од регионот мора да бидат правни лица.

Жител на струшко Ливада се сомничи дека на улица „Владо Малески” во Струга со ловечка пушка сачмарка усмртил седум кучиња скитници.

Речиси сите деца од 5 до 15 години секоја недела се на богослужба во црквата, пеат црковни песни, самоиницијативно учат веронаука, патуваат низ цркви и манастири, организираат хуманитарни акции. Сторија на Соња Рилковска.

Карневалската традиција во Вевчани и годинава продолжува со многу хумор и сатира низ маските кои се уште автентично ја пренесуваат критиката кон општествено политичките случувања од изминатата година. Традиционалниот маскембал е надополнет со културно-забавна програма која започнува на 12 јануари со македонските поп рок легенди. Годинешното издание необременето со ковид протоколи се очекува да го посетат голем број луѓе од регионот.

Три лица физички нападнале 55-годишен стружанец во казино сместено во хотел во Струга. Против напаѓачите ќе биде поднесена соодветна пријава.