Во шпицот на сезона Струга преполна со туристи. Најбројни се печалбарите. Понатаму гостите од Холандија, Полска, Косово и Турција. Туристичките експерти велат градот на мостовите има огромен потенцијал за развој на алтернативен и културен туризам за продолжување на сезоната.

Расте бројот на туристи во општина Вевчани, а со тоа и потребата од сместувачки капацитети. Општината во генералниот урбанистички план предвидува изградба на неколку хотелски капацитети, а веќе имало и заинтересирани домашни и странски инвеститори. Во Вевчани оваа сезона најбројни се гостите од Холандија и Полска, но и домашните туристи.

Противпожарната единица на Струга само во јули имала 15 поголеми интервенции на терен. Најчесто се работи за шумски пожари или спалени земјоделски површини. Од противпожарната единица велат зачестените пожари се должат на високите температури и невниманието на жителите.

Претставата ,,Петар Пан – Големата битка” е закажана за 01.08. (вторник) почеток во 20:30ч. ( кајак кану клуб Дрим Струга)

Се олеснува работата на 11 илјади компании од земјава кои тргуваат со други држави и полесен пристап до туристичките места во двете земји, истакна премиерот Димитар Ковачевски.

Организаторите ги покануваат туристите, спортистите и рекреативците да дојдат на 2 август, на десниот брег после Чаршискиот мост, да го прослават големиот празник Илинден – Денот на Републиката на еден поинаков начин.

„Извадивме голема количина разновиден цврст отпад од езерото. Продолжуваме и понатаму со нашата мисија за чисти природни убавини и повикуваме на свесност при одлагање на отпадот. “ – порачуваат од нуркачките клубови.

Планирани се активности за чистење на брегот (во вода и надвор) на Охридското езеро во должина на селото Радожда.