Проектот „Екологија, дел од нашата култура“ има за цел подигнување на свеста за здрава животна средина. Од Здружението на граѓани „Нова порта“ велат дека преку вакви акции за чистење на најкритичните места вдолж брегот на Охридското езеро од друга страна се остава чиста слика пред бројните туристи кои престојуваат во Струга.

ЧУВСТВОТВОРЕН ЈАЗИК е мотото на годинешното издание на Струшките вечери на поезија кое е илустрирано на плакатот за манифестацијата и промотивното видео.

Струга и ова лето се соочува со рестрикции во водоснабдувањето. Најкритично е во ек на сезоната, кога потрошувачката и потребите се двојно поголеми. Поплаки има и од граѓаните и од туристите.

Покрај натпреварувачките програми, фестивалот ќе ја претстави специјалната програма „MK Special“ со цел промоција на македонскиот филм и младите македонски автори.

Бучавата и ова лето не ги поштеди стружани и бројните туристи. Гласна музика и врева до раните утрински часови го реметат мирот и сонот на сите. Активистите велат не се почитува ниту Законот за угостителска дејност, во поглед на дозволеното работно време, а инспекторатот оваа сезона не врши доволно контроли.

Во шпицот на сезона Струга преполна со туристи. Најбројни се печалбарите. Понатаму гостите од Холандија, Полска, Косово и Турција. Туристичките експерти велат градот на мостовите има огромен потенцијал за развој на алтернативен и културен туризам за продолжување на сезоната.

Расте бројот на туристи во општина Вевчани, а со тоа и потребата од сместувачки капацитети. Општината во генералниот урбанистички план предвидува изградба на неколку хотелски капацитети, а веќе имало и заинтересирани домашни и странски инвеститори. Во Вевчани оваа сезона најбројни се гостите од Холандија и Полска, но и домашните туристи.

Противпожарната единица на Струга само во јули имала 15 поголеми интервенции на терен. Најчесто се работи за шумски пожари или спалени земјоделски површини. Од противпожарната единица велат зачестените пожари се должат на високите температури и невниманието на жителите.