Стефан Нестороски од Струга, предава хармоника во Средното музичко училиште „Тодор Скалоски“ со месечен  договор на дело, нема здравствено осигурување, не му се води работен стаж. Со полно работно време тој сепак се пријавува во Агенцијата како невработен. Вели дека размислува среќата да ја побара надвор од државава.

Уште една нелегална гинеколошка ординација открија инспекторите во Струга. Здравствениот здравствен и санитарен инспекторат го затвори објектот и побара одземање на дозволата за работа. Ова е втора нелегална гинеколошка ординација откриена во Струга. Пред едем месец по пријава од пациентка беше откриена ординација  во домот на директорот на струшката болница.

Заеднички тимови на Хидроцентралите Горна Белица и Водовод Струга ќе работат на решавање на проблемот со водоснабдувањето на стружани. Ќе се скенира состојбата на терен со цел изготвување стратегија а надлежните најавуваат и редовно чистење на резервоарите.

На 01.12.2020 во 13.45 часот, во ОВР Струга пријавено е дека при изведување ископ со багер на плажа, во близина на хотел во Струга, пронајдени се лимени сандаци со куршуми различен калибар од Втората светска војна.

Општина  Струга не презема активности за одстранување на нелегалните градби на крaјбрежието  според препорките на Унеско за разлика од општина Охрид.  Министерот за транспорт и врски, Бочварски,  најави посета на општината и разговори со струшкиот градоначалник за да  види кои се намерите на општината во спроведување на препораките за заштита на езерското крајбрежје. Порача дека не е поборник за одземање на ингеренциите на општината во сферата на урбанизмот, но  законите мора да ги почитуваат сите.

Здравствените работници причината ја гледаат во задоцнетотот барање на лекарска помош и коморбидитетите на пациентите. Од почетокот на пандемијата до изминатиот викенд во Струга како последица на компликации од ковид 19 починаа 85 , а во Охрид 49 лица.

ЈП Комунално-Струга почна со поставување на новонабавените метални корпи наменети за одлагање на ситни отпадоци.

На 16.11.2020 во рамки на засилените мерки и активности на Министерството за внатрешни работи од страна на Одделот за Криминалистичка полиција – Сектор за недозволена трговија со дрога оружје и опасни материи во координација со СВР Охрид ОВР Струга и затворската полиција од Казнено поправната установа Теферич Струга, била извршена контрола и претрес над затворските ќелии со цел обезбедување на материјални докази и заплена на наркотична дрога, при што околу 19:00 часот во КПУ Затвор Струга кај затвореникот Ѓ. П. пронајдена е околу 250 грама марихуана.