Повеќе од две години трае судењето за струшката депонија. За судот не е приоритет загадувањето на животната средина и штетите по здравјето на луѓето, велат од Здружението на млади правници, кои ја поднесоа првата граѓанска тужба за дивата депонија.Загрижувачки се податоците од вештачењето за последиците врз здравјето на луѓето.Изминативе пет години во струшко има значителен пораст на заболени од карцином и распираторни заболувања.

Ученици и млади од 16 години ќе го заменат стручниот кадар во хотелско угостителскиот сектор, кој масовно заминува на сезонска работа во странство. Во туристичкиот сектор лани беа ангажирани млади, кои докажаа дека може да одговорат на зададените работни задачи. Во однос на увозот на работна сила од странски земји ХОТАМ смета дека тоа ќе помогне за пополнување на испразнетите работни места во повеќето сектори .

Исчезна бистата на истакнатиот македонски поет Славко Јаневски од Алеата на писателите на кејот на реката Црн Дрим во Струга. Сомнежот е дека спомен обележјето е украдено, бидејќи имало обид и за кражба на другите споменици на поетските великани. Струшките вечери на поезијата го осудија овој вандалски чин, а настанот е пријавен во полиција.

На Јабланица и Караорман ќе се мапираат и обележуваат велосипедските патеки. Овој проект ќе придонесе за поголема безбедност на планинарите и велосипедистите. Велосипедската култура во земјава последните години доживува подем, а интересот за планински велосипедизам енормно расте во светски рамки.

Адвокатска канцеларија од Струга поднесе иницијатива за измена на чл.11 од Законот за плата на избрани и именувани лица, со што основицата за пресметка на платата на фукционерите ќе се утврди како минималната исплатена месечна плата по вработен за претходната година. Оваа измена на законот е оправдана поради економската криза, а воедно на овој начин ќе се изврши усогласување на платите на избраните и именуваните лица согласно стандардот во државата.

Триесет и едно годишно лице од село Враништа вчера загина на локалниот пат во Центар Жупа, информираат од МВР.

30-годишен жител на Скопје е уапсен поради сомнение дека противправно задржал тинејџерка од Охрид во викендичка во струшко, во која претходно двајцата заедно провалиле, соопшти полицијата.

Нова пролет стари проблеми во струшко. Почна спалувањето на трската во Калишко поле. Изминатава недела евидентирани се два пожари при што е уништена поголема површина на трска. Еколозите алармираат со години. Се уште го нема најавениот видео надзор и ренџерска служба за заштита.